|
Jólavefur Júlla 2009 Jólasveina póstur á ađfangadag á Dalvík í 61 ár. Dásamlegur siður
Jólaveinarnir hafa notað margann farkostinn,m.a. sleða, þotur, vélsleða, skíði og dráttarvélar. Hér eru þeir að störfum á Dalvík í kringum 1980 neðst á Mímisveginum
|
| Skömmu eftir að Ásgeir P Sigurjónsson gerðist kennari á Dalvík 1932, kom hann á fót barnadeild innan Ungmennafélags Svarfdæla handa þeim sem höfðu ekki aldur til þess að ganga í félagið. Börnin kusu sér stjórn og héldu fundi mánaðarlega undir stjórn Ásgeirs, það var margt sem deildin tók sér fyrir hendur, eitt af því var að sjá um árlega jólatrésskemmtun á Dalvík. Það var svo rétt fyrir jólin 1938 , að Ásgeir kennari gerði tilllögu um, að deildin tæki upp þann sið að fá jólasvein til að bera út bréf og böggla í hús á Dalvík á aðfangadag. Hugmyndin hlaut samþykki og vakti almennan fögnuð viðstaddra . Á “litlu jólunum” var svo tilkynnt, að tekið yrði við jólasveinapósti á Þorláksdag , en jólasveinnin kæmi öllu til skila á aðfangadag. Eldri deild barnaskólans veitti póstinum viðtöku, krakkar lásu sundur og flokkuðu í húsin. Fyrsti jólasveinninn sem annaðist póstburð, var þréttán ára strákur, Friðjón Kristinsson, seinna póstafgreiðslumaður á Dalvík . Allt gekk samkvæmt áætlun , Friðjón kom öllu til skila ,og var langt liðið kvölds,er hann hélt heim. Til dagsins í dag hafa börn enn þennan hátt á á Dalvík eftir 51 ár, og aldrei fallið út ár, nú flykkjast þau í hópum. Pósturinn hefur vaxið drjúgt í tímanna rás, um 1982 þá voru sveinarnir 15 talsins, yfirleitt þrír í hóp einn aðalsveinn og tveir hjálparmenn, drógu þeir póstinn á sleða eða sleðum. |
|
|
|
Það tekur tímann sinn að mála og skrýða alla jólasveinana. Steingrímur Þorsteinsson (Steingrímur lést í nóvember 2008) hefur lagt þar mest af mörkum öll þessi ár.
|
| Jólasveina hersingin setur gleðibrag
á bæinn allann. Og vel er þeim tekið , er þeir skila pósti, óska
um leið gleðilegra jóla og gauka oftar en hitt góðgæti
að yngstu börnunum, sem heima sitja. Nú er pósturinn
orðið ærið starf og verður að taka daginn snemma til þess að vera búinn
að ljúka við útburð áður en hringt
er til aftansöngs. Heimildir Saga Dalvíkur 4. bindi Myndir Héraðsskjalasafn Svarfdæla Guðmundur Ingi Bæjarpósturinn
Í einu húsi var alltaf boði upp á jólaöl. Hér er Hannes Ingi Guðmundsson ásamt fleiri jólasveinum
Ađ ţví ađ ţađ var minnst á fyrsta jólasveininn Friđjón Kristinsson í greininni hér fyrr, þá langar mig til þess að minnast á að þegar ég fékk loksins tækifæri á því að vera hinum megin við borðið,þá var alltaf sérstaklega gaman að koma til Friðjóns og Rikku á Svarfaðarbrautinni, þar var boðið inn í kökur,drykk og ýmislegt fleira, hann hefur vitað eftir sína reynslu hvað þyrfti til að gleðja þreytta jólasveina. Ég ætla að vona að þessi dásamlegi siður haldist um aldur og ævi, og mikið er ég þakklátur þessari góðu hugmynd hjá Ásgeiri Sigurjónssyni. Gaman væri að vita hvað mörg Dalvísk andlit Steingrímur Þorsteinsson hefur málað. Júlíus Júlíusson
Jólavefur Júlla 1999 - 2000 - 2001 - 2002 - 2003 - 2004 - 2005 - 2006 - 2007 - 2008 - 2009 Copyright Jólavefur Júlla ©
|
