Dagur 11 - Jólavefur Júlla 2011

Í dag er sunnudagurinn 11. desember.


 

 

Í dag er  þriðji sunnudagur í aðventu

Við kveikjum þremur kertum á
því konungs beðið er,
þótt Jesús sjálfur jötu og strá
á jólum kysi sér.



Bros dagsins....

Fyrst af öllu er að hlæja því það markar stefnuna fyrir daginn - OSHO

    

 

Jólasveinamynd dagsins (11)

        

Góðan daginn ! Nú fer spennan að magnast krakkar, nú setja allir skóinn í gluggann í kvöld, því næstu nótt kemur Stekkjarstaur með fullan poka af litlum pökkum og góðgæti og eitthvað hefur hann meðferðis af kartöflum, hann vonast nú til þess að þurfa ekki að grípa til þeirra, hann er viss um að öll börnin séu svo stillt, hann ætlar bara að sjóða þær þegar hann kemur heim....en þið skuluð samt muna eftir því að hann hefur kartöflurnar meðferðis.

 Í mallanum í dag er síða af jólavefnum hans Júlla...lítið á.

Örkin hans Nóa

Svar 2 og 4 eru eins:

      

 

 

Getraunirnar eru fyrir alla. Öllum er  heimilt að vera með á hverjum degi.

Nefnið að lágmarki 4 atriði sem eru ekki eins á myndunum.
 

Í ár verður getraun á hverjum degi fram til 14. desember.

 Öll rétt svör lenda í pottinum og dregið verður honum vinningar sem verða Jólasögur Júlla, diskar og bækur

 og Sælkeravörur áhugamannsins . Það verður dregið 15. DESEMBER.


Munið að láta fylgja með nafn,  og heimilisfang.  Það er hægt að svara þessum getraunum til kl 22.00  Svar HÉR.  

1

 

 
SÁLMASÖNGUR  HULDUFÓLKS

 

Þegar Sæbjörg Guðmundsdóttir sem nú er kristfjárómagi á Arnheiðarstöðum var vinnukona á Stapa í Bjarnarnessókn í Nesjum segir hún sér hafi verið sagt einn sunnudag að fara og reka hesta og þar upp frá túni nokkuð.

Segist hún þá hafa gengið þar að kletti sem þar hafi verið einstakur, en þegar hún hafi verið búin að standa litla stund hafi hún heyrt að byrjað hafi verið að syngja í klettinum og það sem sungið var var sálmurinn "Heiður sé guði himnum á" orðréttur eins og hann stendur í Grallaranum og svo þegar sálmurinn var úti var byrjað vessið "Mildi Jesú eg minnist nú á miskunn og náð þína" o. s. frv. og hafði hún aldrei heyrt það vess fyrri, en lærði það þá. En að því búnu þagnaði allt, en hún sá ekkert og telur hún víst að það hafi verið messuendir hjá huldufólki.

Í öðru sinni áður segist Sæbjörg hafa setið lömb hjá afa sínum; þá hafi hún líka komið að kletti þar skammt frá túni, hafi hún þá séð glugga á klettinum, hafi hún gengið þangað og horft inn og séð hvar tveir menn í ljósbláum peysum og eins litar hettur á höfðunum sátu þar inni og vóru að þæfa milli handa.

En hún segist hafa hörfað það fljótasta frá, en þegar hún hafi komið heim til afa síns hafi hún spurt hann hvaða menn það væru sem væru í klettinum sem hún til tók, en hann hafi svarað að það væru huldumenn og hafi hann harðlega tekið sér vara að eiga aldrei við þá.

 

 Netútgáfan