Hérna er gæluverkefnið mitt það hófst 25. mars 2004 og stendur til 25. mars 2005...á hverjum degi ætla ég að taka  mynd af fólki sem verður á vegi mínum..við vinnu eða í leik, að nóttu sem degi, heima eða á förnum vegi, í gleði og sorg. ..........Júlli

Dagurinn í dag

María Gunnarsdóttir er ein af bekkjarsystrum mínum á trúðanámskeiðinu, á þessu námskeiði kynntist maður því að það er ekki sama trúður og trúður og oft eru þeir sem við sjáum með rautt nef t.d á17. júní í Rvík ekki sannir trúðar, á þessu erfiða námskeiði þar sem við vorum 18 með mikla leikreynslu og þar af  margir af bestu áhugaleikurum landsins, þrátt fyrirþað náðu ekki allir sér á strik sem trúðar en María hún sló alveg í gegn og heillaði alla upp úr skónum hvort heldur sem þeir væru í okkar bekk eða ekki, algjör snillingur.